بالله عليكم ساعدوني انا بتحرق

السلام عليكم


انا مخنوقة اوي ومش عارفة اعمل ايه
ياريت تفيدوني برايكم

انا فتاة مخطوبة لشاب اعتبره كل دنيتي وحياتي كلها
بفهمه اكتر من فهمه لنفسه وبحس بيه اوي وحتى لو حلم بحاجة بعرف هو حلم بإيه
بحس بيه جدا لدرجة هو نفسه بيستغرب ليها
وعندى وحده صحبتي بحبها جدا مكتوب كتابها على شاب قريبها كانت بتحبه
لكن من يوم ماعرفت خطيبي وهي عايزة تسيب خطيبها ومش طايقاه لكن اهلها غاصبين عليها
والمشكلة انى بحس بخطيبي بيحبها
بينتهز اي فرصه ويجيب سيرتها بمناسبة او من غير مناسبة ودايما بيشكر فيها وهي فتاة رائعه بكل المقاييس وبحبها جدا زي اختى بالظبط
لكن انا محتارة اعمل ايه
ساعات بحس خطيبي بيحبني اوي وساعات كتير بحس انه بيحبها هي وانا بتحرق
ومش عارفة اعمل ايه
وخصوصا انى عرفت بالصدفة انه كان عايز يخطبها قبل مايخطبني لكن فوجئ بخطوبتها
انا خايفة اواجهه لانى عارفه انه هينكر ويقولي انها مخطوبة وانها زي اخته الصغيرة لكن احساسي عمر ماكدب عليه
احساسي بيقولى انه بيحبها وهي كمان بتحبه
وانا بحبه اوي وبحبها اوي ومش عارفة اعمل ايه
لو سيبته برضه مش هتكون من نصيبه ولا هيكون من نصيبها لان خلاص اتكتب كتابها وهتتجوز قريب
ومش قادرة استمر في حرقة الاعصاب دي

اعمل ايه
بالله عليكم ساعدوني
وقولولي اتصرف ازاي من غير مااجرحه ولا اجرحها

---

Vspan style="font-weight: bold; color: #ff0000;"Cydv l[hf:VLspanC fhggi ugd;l shu],kd hkh fjpvr fjpvr shu],kd

ربنا يهديك الى ما فيه الخير والصواب ،حبيبتى انا شايفة انك محملة الامور أكثر من اللازم ،وارجو منك ان تحكمى عقلك اكثر من عواطفك ،ومثلما قالت أووشا ان الحب الاول احيانا يظل مسيطر على الانسان الى ان يجد ما يعوضة بأفضل منه وده دورك بقوة شخصيتك وثقتك فى نفسك تستطيعى ان تنسيه ذلك الحب وحاولى ان تقللى من فرص المقابلة بين صديقتك وخطيبك بقدر الامكان،والله يوفقك لما فيه الخير والرشاد.

انا رايى الشخصى انك تقطعى علاقتك بصديقتك او تبعديهم عن بعض بقدر الامكان علشان مش تفضل سبب للمشاكل بينكم

اهدى اولا ياحبيبت قلبى مش كدة استعينى بالله
وصلى ركعتين قضاء حاجة وادعى فيهم ربنا يفك كربك
ثانيا بقى انا بنت زيك بصى هقولك كلمة حطيها حلقة فى ودنك؟؟؟
مش اى حاجة تتحس تتصدق ؟؟؟ يعنى لازم يكون فى دليلي على كدة
استهدى بالله واستعيذى بالله وهيئى جو كويس واقعدى فكرى كدة مع نفيسك انتى لو مكانه
ممكن تعملى ايه؟؟؟ ولو مكان البنت المخطوبة ممكن تعملى ايه؟؟؟ هنتعرفى انتى عاوزة ايه؟؟؟

ماشاء الله كلهم اراءهم جميله

وفى الاخر اختى الحيرانه الجواز ده قسمه ونصيب يعنى لو ليكى نصيب انك تتزوجى من خطيبك

مفيش مخلوق هيقدر يمنعكوا


ولو فيه نصيب لخطيبك مع صحبتك او انه يتزوج واحده تانيه خالص برضه مفيش مخلوق هيقدر يمنعه

عشان كده مفيش داعى انك تحرقى اعصابك

يعنى انا اعرف ناس كتير جدا قبل الفرح بيوم بساعه بأسبوع وبينفصلوا

كل ده عشان فى الاخر الزواج قسمه ونصيب

ربنا يصلح لكم الحال الى ما يحبه ويرضاه
ويقدر لكى الخير ان شاء الله