انا بكرهه جدا وبتمنى موته

منبه , بكرهه , وبتمنى

السلام عليكم ورحمة الله وبركاته

عارفة ان اول سوال هتساله اى عضوة تدخل التوبيك هو يا ترى مين ده اللى بتكرهيه اوى كده؟؟
السوال بسيط وواضح ومعروف للناس كلها اللى تعرفنى وتعرفه
هو اخويـــــــــــــــــــــــــــــــــــا ؟؟؟؟؟؟؟؟؟
مهمها قولت مش هقدر اوصف قد ايه انه بكرهه وبكره وجوده فى حياتى
وبكره حتى النفس اللى بيتنفسه فى الدنيا
عارفة ان الكل هيلومنى بس معلش استحملونى انا عايزة اخرج اللى جوايا ومش قادرة اقوله لحد
احنا باختصار اخ واخت بس ومع ذالك بنكره بعض بطريقة غريبة
يمكن اى اتنين عايشين فى بيت واحد حتى لو اعداء وبيحاربوا بعض مش هتبقى دى حالتهم
انا معنديش مشكلة فى كده مع انى عمرى ما كرهت حد بس صعبان عليا تبقى دى العلاقة بينى وبين اخويا ابن ابويا وامى شقيقى
انا مش هقول انه وحش ولا مدمن ولا غير سوى
لالالالالالالالالالا
بس هو صفاته برده مقرفة
اولا انسان مقرف للغاية
ومغرور جدا عنده الناس كلها تحت رجليه وهو ابن الباشا ان مكنش هو الباشا نفسه وبيقول كده بلسانه عادى
وانانى لابعد حد
نفسه ثم نفسه ثم نفسه لبكرة الصبح
معندوش اى احساس بالمسئولية خاااااااااااااااااااالص
الحياة واقفة عنده على المنظرة والكدب
الا الكدب بقى بيكدب كدب مش طبيعىى
ساعات بحس انه مريض من كتر ما بيكدب حتى على نفسه
يعنى مثلا ما بيخرجش من البيت الا نادرا
ويقول عندى مكتب وبشتغل مع واحد سعودى وكلام كده غريب
ومرة فى جريدة الاهرام
ومرة ترجمة
بيقول لكل واحد يقابله شغلة شكل وييحطنى فى مواقف زى الزفت مع الناس اللى بيكدب عليهم
وعلى طول كداب
وانا اللى قاعدة معاه فى البيت مش بشوفه ينزل اصلا وان نزل بينزل ساعتين اخر النهار فى الطراوة
عشان بشرته يا حرام ولا اقول ايه على الكريمات اللى بيستعملها لبشرته
والله العظيم انا نفسى مش بجيبها
انا مش بقول ان انا ملاك وهو شيطان
بس عمرى ما حسيت انه ممكن يكون الراجل اللى اعتمد عليه بالعكس بيكرهنى فيه كل يوم اكتر من اللى قبله
اكيد طبعا بتسالوا نفسكوا ايه اللى وصل العلاقة بينا لكده او اولها ايه ؟؟؟
معلش انا اسفة مضطرة اقوم دلوقتى وهكمل بالليل
اعذرونى اللى جوايا كتير اوى
عن اذنكوا