أيوة أنا تخينة ما أنا آخدة بالى

انا ها اقولكو بصراحة انا بنت مركزى المادى والاجتماعى ممتاز و كمان انا كنت دايما متفوقة جدا فى الدراسة لدرجة انى قدرت اثبت وجودى بعيد عن مركز بابا ووسايطه
و كمان حلوة قوى بس وشى بس
بقيت جسمى .. مش عارفة اقول ايه
انا احكيلكم الحكاية من اولها احسن
وانا صغيرة كانت ماما تسليتها الوحيدة انها تاكلنى وتتباهى لما تروح مكان و يقولو ان البنت كلبوزة و متختخة وفضلنا على الحال دة لحد ما خلصت اعدادى و بدأت ماما أول واحدة تزلنى بتخنى و تحرجنى قصاد اى حد
كأن التخان دول ما عندهمش احساس ومش مهم يكون عندهم كرامة وكبرياء ولا كان بيهمها
كنت ببقى فى ايدها فرجة زى بالظبط العجل و هو بيتدبح يوم العيد
تعبت و اتجرحت و بقيت اخرج همى فى المذاكرة لانها الحاجة الوحيدة اللى كانت ماما ما تعرفش تمنعها عنى
لانها كانت عاملة مفتاح للتلاجة و انا عملت منه نسخة وكانت تقفل باب البيت بالمفتاح لما تخرج عشان مش اخرج اشترى اكل كنت اجيب دليفرى و ابعته على عمتو تحاسبه و تجيبلى الاكل من الشباك عشان كنت باصعب عليها وكمان عمتو سكنة معانا فى نفس البيت و ما كانتش تسيبنى اروح لوحدى مكان عشان ما جيبش اكل من وراها و بقى الموضوع عند بينى و بين ماما و بدل ما تمنعنى اكل كتير عشان ماتخنش بقيت أكل أكتر و اكتر لما بقيت مش شايفة صوابع رجلى عشان مش بعرف اوطى من توخنى
و اتحولت ماما مع الوقت من مهاجم ضدى الى مدافع عنى خصوصا و ان بنات العيلة بدأو يتجوزوا واحدة ورا التانية و انا لسة
و ماما فى كل فرح نروحه تعيد الاسطوانه بتعاة بس هى توافق دة ابن فلان و علان ياما باسوا التراب عشان ترضى بيهم وهى مصممة تكمل للدكتوراة و تقول لقرايبنا اقنعوها تقول اه
و الناس تستعبط و يقعدو يقنعونى و انا اقول أه ( من الصداع اللى فى دماغى )
المهم انا طولت عليكو انا دلوقتى عندى 32 سنه ونفسى اتجوز
نفسى احب و اتحب ..ز نفسى امشى على البحر و الا النيل و الا حتى البركة و ايدى فى ايد خطيب ناكل ترمس
دة كتير؟
نفسى ابقى عروسة و ازف و البس فستان ابيض و طرحة نفسى الناس تبطل تبص عليا عشانى تخينة مانا برضة فيه حاجات تانية تتشاف فيا و الا توخنى للدرجة دى مدارى الباقى
مش عارفة انهى الموضوع و لا عارفة اكمله و لا عارفة افهمكو انا عاوزة ايه لانى انا نفسى ما بقيتش عارفة انا عاوزة ايه لانى بدات اتعصب و رايحة اجيب حاجة اكلها
انتو فاهمنى انا بزعل اكل . افرح اكل . اجوع اكل
بس بشوف اصحابى و بنات اعمامى و خلانى و همه معاهم ولادهم باحزن على حالى بس بايدىايه اعمله
بقيت بتدارى من الناس لا يشوفو نظرة حزن ما اقرش اداريها والناس بتعمل نفسها مش شايفانى زى بنات كانو صحابى أوى و دلوقتى بيخافو لاحسد ولادهم
اعمل ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟

---

Vimg border="0" src="http:LLwww>pl-gaza>comLvbLimagesLanswered>png" width="116" height="29"C Hd,m Hkh jodkm lh No]m fhgn

حبيبه قلبى الحل فى ايدك انتى
بايدك انتى تغيرى حالك لازم الاول يكو ن عندك ثقة بنفسك الزواج ده نصيب مش علشان تخينةاو رفيعه او حلو ةاو وحشة ربنالسه مش رايد لكى الزواج خلى عندك ثقة بالله
بس لازم ارادتك تكون قويه وبلاش تسيبى نفسك للنفسية السيئة الا حطيتى نفسك فيها بسبب التخن ماهو على كلامك ده ماشاء جميلة ومركز مش عارفه تعملى رجيم وتخلصى من عقدتك وبلاش عند مع مامتك لان هتيجى على دماغك ونفسيتك انتى مش مامتك اولا مش علشان الزواج لا لان التخن مش حلو والامراض انتى لسه صغيرةليه سيبتى نفسك كده للحاله النفسية اكلت فيكى واكيد طبعامامتك غلطت لان ماينفعش تحرج فى بنتها لانها بتتعب النفسية على اساس انها اقرب الناس اليكى والله انا شايفة الموضوع ابسط من كده بكتير اولا ادعى الى ربنا يفك ضيقتك وهمك ويرزقك بالزوج الصالح وخلى عندك يقين بالله ان التخن مش هيمنع عريس ده قسمة ونصيب
تانى حاجه خلى ارادتك قويه واعملى رجيم لنفسك مش لحد شوفى نفسك فى عيونك انك احسن من اى واحده بمعنى حبى نفسك وارضيها بس مش بالاكل وبلاش استسلام واكتئاب وصدقينى نصيبك هيجيلك حتى لو انتى ايه بس لاز م الرجيم لازم علشان صحتك

بصى ياحبيبتى
التخن عمرة ماكان عيب ولا حرام
بس انتى المفروض متفهمة الوضع
انك تخينة
يبقى لازم تروحى لمركز تخسيس
اولا تكسبى صحتك لان مؤكد عارفة قد اية الاضرار اللى بتترتب علية
ثانيا عشان تحسى بقيمة نفسك فى نظر نفسك اولا
لان طول ما انتى كدة هتفضلى حاسة انك فيكى حاجة غلط
مامتك بقى هى بتعمل معاكى كدة لانها عاوزة تشوفك احسن واحدة فى الدنيا دىى كلها
ومش سهل عليها انك بقيتى فى السن دة وماتجوزتيش
احنا كلنا عارفين ان دة نصيب من عند ربنا
لكن اهالينا بتكون عواطفهم سبقاهم وتفكيرهم مختلف عننا نهائى
بصى ياحبيبتى هحكيلك ع حاجة
عندى واحدة صاحبتى كانت تخينة جدا
وانا ما اجيش ربعها كانت تمشى تتريق علية وتقول علية تخينة
ماعلينا لاقتها فى يوم ياختى بتكلمنى ومناخرها فى سابع سما عشان اتخطبت
يععنى التخن او الرفع مش مقياس ابدا للجواز
بس بردة بقولك اعملى رياضة ورجيم عشان نفسك اولالالالالالالالا واخيرااااااااااا
ويااااااااااااااااااااااااااااااااااااارب ربنا يرزقك بابن الحلال اللى يستاهلك ياحبيبتى

الزمى الاستغفااااااااااااااااااااااااااااااااااااااااااا اااااار
وان شاء اله ربنا يصلحلك حالك

لازم يكون عندك ثقه بربنا سبحانه وتعالى فى كل شئ توكلى على ربنا الشكل اوالهيئه عمره مابيكون مقياس للزواج بالعكس كل حاجه بايد ربنا انتى متعرفيش بكره فيه ايه انتى لازم دايما تظنى الخير من ربنا لان ربنا دايما بيجيب الاحسن والاخيرللانسان ثقتك بربك هية اول مفاتيح الايمان السليم وكمان ثقتك بنفسك دى اهم حاجه ليكى عشان متتعبيش لان الانسان اللى معندوش ثقه بنفسه مش هيقدر يوصل لحاجه هوة محتاجها
والناس اللى بتعبد دولوقتى وقت محنتك ربنا بيبينلك مين معاكى وقت الشده ومين اتخلى عنك
طول ماانتى بتقولى يارب ومتوكله على الله كل ماهتلاقى اللى بيبعدوا عنك همااللى بيقربوا مش بمزاجهم لا ده ربناامرقلوبهم لكده
الزواج كل واحده وكل واحدليه نصيبه من الحياه هتلاقى اللى يسعدك اوهوة هيلاقيكى
بالنسبه للتخن اتوكلى على ربناوابدئى اعملى ريجيم واهم حاجه عشان توصلى لنتيجه سليمه اتحدى نفسك

اذا كان على مامتك فهيه بتعمل كده عشان خايفه عليكى وراضيها


اما بأه الناس نصيحه من اختك متفكريش فى كلام الناس لان الناس مش بيعجبها حاجه طالمابترضى ربنا يبقى ميهمكيش حاجه وانتى هتبقى دايما الصح

اجتهدى انتى بس واعزمى وكل حاجه ميسرة باذن الله

يا حبيبتى التخن رجع موضة من تانى
ما تزعليش نفسك قوى كدة
مش احسن ماتبقى رفيعة ومسلوعة خليكى حاجة حلوة كدة تملا العين
وكمان علشان لما تتجوزى ان شاء الله يعملك الف حساب
والنصيب بييجى وقت مايريد ربنا لا التخن ولا الرفع لهم علاقة دة نصيب
وربنا يوفقك يا حبيبتى
انما انتى علشان نفسيتك وعلشان نفسك انت مش اى حد طبعا لازم تتابعى مع دكتور او تتبعى الرجيمات
اللى بينزلوها الدكاترة فى التليفزيون وان شاء الله ربنا يقدرك وتحسى وتبقى سمبتيك
وبرضه قدرى مشاعر ماما هى بتتصرف من منطلق ام خايفة على بنتها

إستوقفنى كثيرا تلك الجملة (كنت ببقى فى ايدها فرجة زى بالظبط العجل و هو بيتدبح يوم العيد )
نداء عزيز مطعم بالحب لكى آنستى إنتى و كل البنات الحلوين اللى فاكرين إنهم مش حلوين
يا قمر كل بنت شرقية خجولة تظن عندما تدخل مكان أن الناس تنظر لها فترتبك و تظن أن بها عيب
و دة إحساس طبيعى يا ست البنات...عادى إنك تكونى خجولة بس بلاش تكونى حساسة
مش جايز محدش بيتهرب منك و إنتى الشرنقة الى عاملاها حول نفسك دى الناس مش عاوزة تقتحمها
إحتراما لخصوصيتك ....
لراحة بالك فسرى كل أمور الحياة تفسير بحسن نية و إعملى رجيم و إلعبى رياضة و الرياضة مش بتخسس بس دى كمان بتحسن من آداءالانسان النفسى
و بترفع المعنويات
وياريت كل أم تقرا مشكلتك و تعرف إن هى أول إنسان بيظلم الابن او الابنة بموضوع الحشو دة إلى أن تصيبه سمنة مفرطة و تبقى الأم أول المحاربين ضدها
إتقين الله فى بناتكن ليس حفظا للمظهر فقط و إنما أيضا للصحة عامة

يا حبيبتي اعملي الاول استخارة واذا كان بالامكان ياريت تروحي لدكتور جراحات سمنه يكون معروف وموثوق فيه وتعملي عملية واعتقد دا هيكون حل سريع للمشكله.
اما لو الموضوع صعب انه يتعمل فخلاص يبقى نقوي ارادتنا شوية ونتوكل على الله ونبدأ نروح لدكتور سمنه يدينا ريجيمات مدروسة كويس مش من النت وخلاص،لا لازم تكون ريجيمات مدروسه منه هو،وكمان ممكن يديكي علاج يقلل الشهيه شوية،مع مشي كل يوم نص ساعه مثلا،بامر الله هتخسي وتبقي زي الفل.
وطبعا قبل اي علاج او ريجيم الدكتور المفروض يطلب منك بعض التحاليل زي تحاليل الغده مثلا والهرمونات
وربنا يشفيكي ويعافيكي من السمنه ويشفينا ويشفي كل المسلمين